६ फागुन, काठमाडौं । मकाउ पठाइदिने बाहानामा ठगी गर्ने दुई जना युवक पक्राउ परेका छन् ।
स्याङ्जाको धापुक-५ घर भई बाराको निजगढमा सञ्जु इन्टरनेशनल ट्रेड प्रमोसन सेन्टर प्रालि चलाएर बसेका खेमबहादुर कामी र काठमाडौं-३१ बागबजारका उदेश खड्की पक्राउ परेका महानगरीय प्रहरी परिसर ललितपुरका प्रवक्ता किसनसिंह थापाले जानकारी दिए ।
उनीहरुले विभिन्न व्यक्तिलाई माओवादी पूर्व लडाकुको अयोग्यताको परिचयपत्र बनाई रोजगारीमा मकाउ पठाईदिने भन्दै १६ लाख रुपैयाँ ठगी गरेका थिए ।
उनीहरुको साथबाट अयोग्य लडाकुको परिचयपत्र बनाउन प्रयोग गरिएको कम्प्युटर, परिचयपत्र, एटीएम कार्ड, एक थान पासपोर्ट, ५३ हजार ५ सय रुपैयाँ र दुई थान मोवाइल समेत बरामद गरिएको छ।
- अनलाइनखबर
