टोकियो, ३१ भदौ । जापानको नागोयाको खामिदामा बस्दै आएकी चितवन लंखुकी भिमा कँडेल पाण्डेको शुक्रबार राति निधन भएको छ । सिनोदावासी स्टेशन नजिकै नागोया हार्ट सेन्टरमा उपचारको क्रममा उनको शुक्रबार राति मृत्यु भएको हो ।
उनी डेढ महिनाअघि मात्रै जापान आएकी थिइन् । जापान आएको ८–१० दिनमा नै श्वासप्रश्वासमा समस्या देखिएपछि उनलाई अस्पताल लगिएको थियो । उनका श्रीमान् डेढ वर्षअघि जापान आएका थिए ।
मृतक कँडेलको शव अस्पतालको शव गृहमा राखिएको छ । अत्येष्टी यही सेप्टेम्बर १९ तारिख मंगलबार साढे ९ बजे गरिने भएको छ ।
अन्त्येष्टिमा सहभागी भईदिन लागि जापानमा रहेका चितवनबासी, एनआरएन लगायत बिभिन्न संघसंस्थामा आवद्ध एवं नागोया क्षेत्रका नेपालीहरूलाई परिवारले अनुरोध गरेको छ ।
- समुन्द्रपारीबाट
